Almaty_Joly chat-boty: Almaty jolynyń jaǵdaıyn habarlaýdyń yńǵaıly tásili
Almaty turǵyndary bıyl da ótken jyldaǵydaı joldaǵy shuńqyrlar men basqa da aqaýlar týraly arnaıy @AlmatyJolybot (https://t.me/AlmatyJolybot) Telegram arnasy arqyly habarlaı alady. Arna qalanyń jol ınfraqurylymyna arnalǵan, dep habarlaıdy aqshamnews.kz
Ótinish berý úshin qajet:
• Mátindik sıpattama;
• Joldyń aqaýyn kórsetetin foto/vıdeo;
• Mekenjaı men naqty koordınattar;
• Baılanys málimetteri.
Túsken ótinish qaralyp, árbir jaǵdaı boıynsha tıisti sharalar qabyldanady. Ótinish pen usynys tek resmı arnalar arqyly qabyldanady, al áleýmettik jelilerdegi pikirler men jazbalar únemi qarastyryla bermeıdi.
2024 jyldyń sáýir aıynan bastap @AlmatyJolybot chat-botyna turǵyndardan 2 000-nan astam ótinish pen usynys kelip tústi. Barlyq ótinish boıynsha jaýap berilip, máseleni sheshý merzimi kórsetildi.
Aıta keteıik, Almatyda jol ınfraqurylymyn jóndeý jumystary bıyl aqpan aıynda – belgilengen merzimnen buryn bastaldy. Osy maqsatta energıa únemdeıtin qospasy bar «jyly asfált» shyǵaratyn asfált-beton zaýyty pılottyq rejımde iske qosyldy.
Sonymen qatar, kún jylynǵannan keıin aýdan ákimdikteri kóshe-jol jelisine aǵymdaǵy (shuńqyrly jóndeý) jóndeý jumystaryn bastaıdy. Ár aýdan boıynsha shamamen 30 000 sharshy metr jol jamylǵysy jóndeledi.
Buǵan qosa, jazǵy kezeńde 300 km jolǵa ortasha jóndeý júrgizý jáne 35 km jańa jol salý josparlanǵan.