Qazaq boksshysy Qanat Islam argentınalyq Haver Fransısko Maselden basym tústi, dep habarlaıdy Almaty-akshamy.kz Inform.kz-ke silteme jasap.
AQSH-tyń Florıda shtatyndaǵy Plant-Sıtıde ótken boks keshinde 38 jastaǵy otandasymyz argentınalyq qarsylasyn jeńip, kásipqoı rıngtegi 28-jeńisin tirkedi.
8 raýndyq jekpe-jektiń ekinshi raýndynan bastap Qanat Islamnyń basymdyǵy aıqyn sezilip turdy. Argentınalyq boksshy únemi qorǵanysty oılap, qazaq boksshysynan jasqanshatap júrgendeı kóringenimen, Qanat Islamnyń sharshy alańdaǵy belsendi qımyldary sonshalyq qaýip tóndire qoımady.
6-raýndta Qanattyń murny syrtynan qanaǵany baıqaldy. Alaıda bul kezdesýdi merziminen buryn aıaqtaıtyndaı aýyr jaraqat emes edi.
Kezdesýdiń aqtyq raýndy da Qanat Islamnyń basymdyǵymen bastaldy. Raýnd aıaqtalar tusta qazaq boksshysynyń búıirdi kózdegen aýyr soqqysynan keıin rıngtegi tóreshi nokdaýn tirkedi.
Osylaısha tóreshiler qazaq boksshysynyń upaı sanymen jeńisin jarıalady.
Aıta keteıik, buǵan deıin Qanat Islam 28 jekpe-jek ótkizip, onyń 27-sinde jeńiske jetip, bireýinde ǵana jeńilgen. Haver Masel osymen 52 jekpe-jegine shyqty. 51 aıqastyń 34-inde jeńip, 17-sinde jeńilgen.