Geosaıası jaǵdaıǵa baılanysty baıqaý Ulybrıtanıada uıymdastyrylmaq
«Evrovıdenıe - 2023» Ulybrıtanıanyń Lıverpýl qalasynda ótetin boldy. Bul týraly Bı-Bı-Sı-diń tikeleı efırinde júrgizýshi Grem Norton málim etti, dep habarlaıdy Almaty-akshamy.kz Inform.kz-ke silteme jasap.
«Evrovıdenıe - 2023» osynyń aldyńǵy konkýrsta jeńimpaz atanǵan Ýkraına elinde ótýi tıis edi. Qazirgi geosaıası jaǵdaıǵa baılanysty baıqaýdy Ulybrıtanıada uıymdastyrý sheshimi qabyldandy. Sebebi brıtan ánshisi Sem Raıder «Evrovıdenıe – 2022»-de ekinshi oryn alǵan bolatyn.
Buǵan deıin Ulybrıtanıada «Evrovıdenıe» 8 ret ótti. Sońǵysy ret konkýrsty 1998 jyly Bırmıngem qalasy qabyldady.
Lıverpýl – «Bıtlz» otany. Qalanyń mýzykalyq tarıhy asa baı. Jyl saıyn munda myńdaǵan sheteldik týrıs keledi. «Evrovıdenıe – 2023» kezinde qala álem nazarynda bolady. Sebebi shoýdy tikeleı efırde 160 mln astam adam tamashalaıdy.
«Evrovıdenıe» M&S Bank Arena porttyq arenada ótedi. Ol 11 myńnan astam kórermen syıdyra alady.