Joldaýǵa qatysty túrli pikirler aıtylýda. Sol pikirlerdiń bireýin Almaty-akshamy.kz Assembly.kz-ke silteme jasap usynyp otyr.
Mynaý buraýly, burandaly, bultyń dúnıede, shytyrmandy, shımandy ómirde tilmen baılaǵandy qolmen sheshý múmkin emes ekeni aqıqat. Degenmen, «Kemer belbeý- bel sáni, kemel jigit - el sáni» demekshi, Memleket basshysy Qasym-Jomart Kemeluly Toqaevtyń Qazaqstan halqyna arnalǵan búgingi joldaýynda elimizdiń tolyq ahýaly týraly asa mańyzdy atqarylǵan ister men aldaǵy kúrdeli mindetter tolyq baıandaldy dep esepteımin.
«Jańa jaǵdaıdaǵy Qazaqstan: is-qımyl kezeńi» atty joldaýynyń basty maqsaty memlekettik basqarýdyń tıimdiligin arttyrý, jańa zaman talaptaryna sáıkes ekonomıkalyq damý, shaǵyn jáne orta bıznesti, qarjy sektoryn, óńirlik damý jáne qazaqstandyqtardyń áleýmettik jaǵdaıyn odan ári damytý syndy maqsattarǵa qol jetkizý ekendigine búgingi Prezıdenttiń sózderin tyńdaı otyra bárimiz kýá boldyq. Qazir bizge Táýelsizdiktiń jetistikterin eselep, elimizdi damýdyń jańa sapaly kezeńine shyǵarý múmkindigi berilip otyrǵandyǵy atalyp ótildi. Sonymen qatar Prezıdent atap ótken jańa ekonomıkalyq damýdyń jeti qaǵıdaty memleket tarapynan dáıekti sheshimder qabyldaýdy jáne sol úshin qoǵam aldynda jaýapty bolýdy kózdeıdi.
Ásirese, qoljetimdi ári sapaly bilim berýge jáne de álemge zor qaýip tóndirgen pandemıaǵa qarsy kúreste zor jaýapkershiliktiń jarqyn úlgisin kórsetip kele jatqan Densaýlyq saqtaý júıesin odan ári damytýǵa arnalǵan bólimder alda aýqymdy jumystar júrgiziletindiginiń negizi. Halyqtyń áleýmetttik áleýetin odan ári arttyrý ıaǵnı, turǵyn-úı máselesin sheshý boıynsha «5-10-25» baǵdarlamasynyń osy jyldan bastap júrgizilip kele jatqandyǵyn jáne 2021 jyldyń ózinde BJZQ-nyń 700 myń salymshysy óz jınaqtarynyń bir bóligin turǵyn úı satyp alýǵa, emdelýge nemese qarjy kompanıalaryn basqarýǵa berý úshin paıdalana alatyndyǵyn aıqyndady.
Alaıda osyndaı tabys pen turmys sapasy joǵary memleket qurý úshin bárimizge joǵary jaýapkershilik pen temirdeı tártip qajet. Alash zıalysy Ahmet Baıtursynulynyń osy oraıda, bilimdi bolýǵa oqý kerek. Baı bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek, degen sózi Q.J.Toqaevtyń joldaýda atap ótken memlekettik saıasattyń jańa baǵyttary elimizdiń daǵdarys jaǵda ıynda odan ári damýyna zor úlesin tıgizedi degen senimdemin.