Qamshybek Qońqabaev HİH jazǵy Azıadanyń kúmis júldesine ıe boldy, dep habarlaıdy almaty-akshamy.kz QR Týrızm jáne sport mınıstrligi Sportty damytý dıreksıasynyń baspasóz qyzmeti.
Asa aýyr salmaqtaǵy Ulttyq qurama boksshysy fınalda Tokıo Olımpıadasynyń jeńimpazy, 2 dúrkin álem, 3 dúrkin Azıa chempıony Bahodır Djalolovtan (Ózbekstan) jeńilip qaldy. Esep: 0-4.
Qazaq bylǵary qolǵap sheberi Hanchjoýdaǵy básekeni shırek fınaldan bastap, Bahreın namysyn qorǵaıtyn Danıs Latypovtan basym túsken. Sosyn, Narenderdi (Úndistan) aıqyn basymdyqpen jeńip, ózi qatysqan alǵashqy Azıadanyń aqtyq aıqasyna joldama alǵan.
Aıta keteıik, álem chempıonatynyń 2, sary qurlyq birinshiliginiń 4 dúrkin kúmis júldegeri, Tokıo Olımpıadasynyń qola medalısi Qamshybektiń qorjynynda Parıj Olımpıadasynyń joldamasy bar.