Qarasora ósirý úshin jylyjaı salǵan qaraǵandylyq azamatqa qatysty qylmystyq is qozǵaldy.
Qaraǵandy oblystyq polısıa departamenti esirtki qylmystaryna qarsy is-qımyl basqarmasynyń qyzmetkerlerine qaraǵandy qalasynda belgili bir azamat jylyjaı salyp, ol jerde qarasora ósirip jatqandyǵy týraly aqparat tústi, dep habarlaıdy Almaty-akshamy.kz Polisia.kz-ke silteme jasap.
Júrgizilgen keshendi jedel-izdestirý is-sharalary barysynda osy aqparatqa qatysty jer úıde turatyn 50 jastaǵy azamat ustaldy. Ustalǵan azamat jylyjaıdy arnaıy qarasora ósirý úshin salǵandyǵy týraly moıyndaý kórsetpe belgilerin berdi.
Tártip saqshylary jylyjaıdan 421 túp qarasora, 500 gram keptirilgen marıhýana, sýarý shlangysy, marıhýana paıdalaný quralyn tárkiledi. Atalǵan derek boıynsha Qazaqstan Respýblıkasy Qylmystyq Kodeksiniń 300-babyna (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sáıkes qylmystyq is qozǵaldy. Tergeý áreketteri júrgizilip jatyr.