Qaldyqtar óńdeıtin kásiporyndardy qoldaý sharalary qarastyrylady, dep habarlaıdy aqshamnews.kz.
Úkimet otyrysynda Premer-mınıstr Oljas Bektenov Ekologıa jáne tabıǵı resýrstar mınıstrligine múddeli memlekettik organdarmen birlesip, 1 qyrkúıekke deıin qaldyqtardy basqarý prosesterin ortalyqtandyrýǵa, barlyq múddeli taraptardy tartýǵa, sıkldik ekonomıka modelin qurýǵa baǵyttalǵan qaldyqtardyń barlyq túrin basqarý tujyrymdamasyn ázirleýdi tapsyrdy.
Ónerkásip jáne Energetıka mınıstrlikterine óndiristik qaldyqtardy qaıta óńdeý boıynsha ónerkásiptik jáne energetıkalyq kásiporyndardy qoldaý men yntalandyrýdyń naqty sharalaryn ázirleý tapsyryldy. Bul kómir hımıasy, qurylys materıaldaryn jasaý, jerde sırek kezdesetin metaldardy alý salalarynda jańa óndirister qurýǵa múmkindik beretini atap ótildi.
Ekologıa, Energetıka mınıstrlikteri ákimdiktermen birlesip, eki apta merzimde qaldyqtardy energetıkalyq kádege jaratý salasyndaǵy jobalar tizbesin anyqtaýy qajet. Áleýetti ınvestorlar tartý úshin sáýir aıynda aýksıon uıymdastyrýy kerek.