Almatyda polısıa qyzmetkerleri qoǵamdyq kólikte jáne qoǵamdyq oryndarda bótenniń múlkin urlady degen kúdikpen úsh er adamdy ustady.
"Úsheýi de osyǵan uqsas qylmystar jasaǵany úshin buryn qylmystyq jaýapkershilikke tartylǵany belgili boldy. Tintý kezinde ustalǵandardan urlanǵan úsh telefon tabyldy. Qazirgi ýaqytta olardyń qylmystyq áreketteriniń barlyq epızodyn anyqtaýǵa baǵyttalǵan tergeý sharalary júrgizilip jatyr", - dedi Almaty qalalyq PD krımınaldyq polısıa basqarmasynyń bastyǵy Talant Isaev.
Isaev ótken jyly qolǵa alynǵan sharalardyń arqasynda 513 urlyq jasaǵany úshin kináli dep tanylǵan 315 ury, sondaı-aq qoǵamdyq oryndarda urlyq jasaǵan 102 toptyń qylmystyq áreketiniń aldyn alǵanyn aıtty.