Qar jaýa bastaǵannan bastap qaladan 530 tekshe metr qar shyǵaryldy. Qardyń qalyńdyǵy 8-10 sm, taýly aımaqtarda 14 sm-ge deıin jetti. Qazirgi kezde joldarda kólik qozǵalysy qaýipsizdigi qamtamasyz etildi, dep habarlaıdy Almaty-akshamy.kz.
Kólik aǵynynyń tyǵyz bolýyna baılanysty joldyń boıymen tolyǵymen qamtyp ótetin qar tazalaýshy mashınalar kolonnasy kólikter azaıǵannan keıin túngi ýaqytta jumys isteıtin bolady.
Ár aýdanda eki kolonna jumys isteıdi, odan keıin kóktaıǵaqqa qarsy materıaldar qaıtalap sebiledi.
Kóktaıǵaqtyń aldyn alý maqsatynda 143 qumshashqyshtyń kúshimen jolǵa kóktaıǵaqqa qarsy materıaldar sebilip jatyr. Osy ýaqytqa deıin 1827 tonna materıal paıdalanyldy.
Túngi ýaqytta qala kóshelerinde 460 arnaıy tehnıka men 360 jumysshy qyzmet etedi.
Qazgıdromettiń boljamyna sáıkes, 11 qańtar kúni kúndiz 10-12 gradýs aıaz bolady.
Almaty qalasynyń komýnaldyq ınfraqurylymdy damytý basqarmasy