Otandyq dzúdoshylardyń sheberligin shyńdaý jáne tájirıbe almasý maqsatynda Teddı Rıner Qazaqstanǵa keldi.
Ataqty fransıalyq dzúdoshy, úsh márte Olımpıada, 11 dúrkin álem jáne 5 ret Eýropa chempıony atanǵan Teddı Rıner Qazaqstanda jattyǵyp jatyr, dep habarlaıdy Almaty-akshamy.kz QazAqparatqa silteme jasap.
Qazaqstan dzúdo federasıasynyń baspasóz qyzmetinen málim etkenindeı, elimizdiń erler jáne áıelder ulttyq quramalary jańa maýsymǵa daıyndyqty bastady.
Jyldyń alǵashqy oqý-jattyǵý jıyndaryn qos qurama Almaty qalasy jáne Almaty oblysynda ótkizýde. Bul Fransıa dzúdo federasıasymen birlesken oqý-jattyǵý jıyny bolyp sanalady.
Otandyq dzúdoshylardyń sheberligin shyńdaý jáne tájirıbe almasý maqsatynda Teddı Rıner Qazaqstanǵa keldi.
Almaty qalasyndaǵy dzúdo akademıasynda aýyr salmaqtaǵy tatamı sheberleri jattyǵýda. Al Almaty oblysyndaǵy «Jańashar» olımpıadalyq daıarlaý ortalyǵynda qalǵan salmaqtaǵy 100-ge jýyq sportshy sheberligin shyńdaýda.
Oqý-jattyǵý jıynyna 2022 jylǵy el chempıonatynyń qorytyndysy boıynsha jasaqtalǵan qurama dzúdoshylary shaqyrtý alǵan.
Atalǵan jıyn Qazaqstan erler jáne áıelder quramasynyń bas bapkerleri Nurbol Súleımenov pen Erlan Alpysbaev, sondaı-aq fransıalyq jattyqtyrýshy-keńesshiler Ksave Mondenks pen Stefan Traınonyń jetekshiligimen ótýde.
Oqý-jattyǵý jıyny 22 qańtarǵa deıin jalǵasady.
Eske sala keteıik, budan buryn álemdik Masters týrnırine Qazaqstan atynan 12 dzúdoshynyń qatysatynyn jazǵan bolatynbyz.