Túnde qala kóshelerinde barlyǵy 360 adam jáne 460 birlik arnaıy tehnıka jumys istedi.
Almaty qalasynyń komýnaldyq ınfraqurylymdy damytý basqarmasy 10 qańtar saǵat 23:00-den 11 qańtar saǵat 06:00-ge deıin komýnaldyq qyzmetterdiń kúsheıtilgen rejımde jumys istegenin málimdedi, dep habarlaıdy Almaty-akshamy.kz.
Jol qozǵalysyna qatysýshylardyń qaýipsizdigin qamtamasyz etý úshin, qyzmetkerler arnaıy tehnıkanyń kómegimen joldardy kóktaıǵaqqa qarsy materıaldarmen óńdedi. Osy ýaqytta qala boıynsha qar tazalaýshy mashınalardyń 18 kolonnasy júrdi. Nátıjesinde 1260 tekshe metr qar shyǵaryldy.
Qazirgi ýaqytta qoǵamdyq oryndardy, trotýarlardy, jaıaý júrginshiler joldaryn, qoǵamdyq kólik aıaldamalaryn, jerústi jáne jerasty ótkelderin tazartý jumystary jalǵasýda.
Túnde qala kóshelerinde barlyǵy 360 adam jáne 460 birlik arnaıy tehnıka, onyń ishinde 204 sypyrý-jınaý mashınalary jumys istedi.
Qar tolassyz jaýýda. Qalada 15 sm qar jaýdy, taýly jerlerde - 20-25 sm.
