Qujat aıasynda Almatyǵa qatysty tıisti sheshimder eskerilgen.
Almatyda kelisilgen qala qurylysy saıasatyn júrgizý úshin shahardyń dızaın-kody bekitiledi, dep habarlaıdy Almaty-akshamy.kz
Bul týraly Senattyń jalpy otyrysynda QR Indýstrıa jáne ınfraqurylymdyq damý mınıstri Qaıyrbek Óskenbaev málim etti.
«Almaty qalasyna qatysty túzetýleri boıynsha qala qurylysy keńesin engizý jáne qalanyń dızaın-kodyn qabyldaý usynylady. Bul megapolıs problemalaryn sheshý ári qala turǵyndarynyń ómir súrý jaǵdaılaryn jaqsartý boıynsha kelisilgen qala qurylysy saıasatyn júrgizýge múmkindik beredi, sondaı-aq biryńǵaı sáýlettik kelbet berýdi qamtamasyz etedi», - dedi Q. Óskenbaev.
Sonymen qatar ol múlikti zańdastyrý problemalaryn sheshý úshin jyljymaıtyn múlikti resimdeý máselelerin qaraý jónindegi komısıa qurý usynylyp otyrǵanyn aıtty.
«Azamattardyń qaýipsizdigin qamtamasyz etý úshin menshik ıeleriniń kelisimi bolǵan jaǵdaıda, azamattar kóp jınalatyn jerlerde beınekameralar ornatý jáne beınebaqylaý monıtorıńin júrgizý qaǵıdalaryn bekitý usynyldy. Bul megapolıs aýmaǵyn beınemonıtorıngpen barynsha qamtýdy qamtamasyz etýge múmkindik beredi», - dedi vedomstvo basshysy.