Qazir Almatyda jolaqy kartamen – 80 teńge, qolma-qol – 150 teńge.
Almaty ákimdigi «Jolaýshylardy turaqty áleýmettik mańyzy bar tasymaldaý tarıfterin belgileý týraly» qaýly daıyndady, dep habarlaıdy Almaty-akshamy.kz
Osylaısha, qujatta Almaty qalasy boıynsha jolaýshylardy áleýmettik mańyzy bar turaqty tasymaldaý tarıfterin tóleý ádisine qaraı kelesi mólsherde belgileý týraly:
uıaly baılanys operatorynyń qyzmetteri nemese kólik kartasy nemese jol júrýge arnalǵan mobıldi qosymsha arqyly qolma-qol aqshasyz tólem jasaý úshin – 100 teńge;
jol júrý aqysyn qolma-qol tóleý kezinde – 200 teńge.
Qazirgi ýaqytta Almaty qalasynda qoǵamdyq kóliktegi tarıftiń quny qolma-qol aqshasyz tóleý tásilimen tólengen kezde 80 teńge mólsherinde belgilengen. Tarıf qunynyń mólsheri 2012 jyly belgilengen jáne búgingi kúnge deıin ózgerissiz qalady. 2017 jyldan bastap qolma-qol aqshamen tólegen kezde jol júrý quny 150 teńge mólsherinde belgilendi.
Sońǵy 11 jylda tasymaldaýshylardyń shyǵyndary barlyq baptary boıynsha quny aıtarlyqtaı ósti. Mysaly, dızel otynynyń quny 90 teńgeni quraǵan, al búgingi kúni 295 teńgeni (+328%) quraıdy, gazdyń quny 33 teńgeni quraǵan, al búgingi kúni 108 teńge (+327%) mólsherinde belgilengen. Avtobýstardyń qunyn qosa alǵanda, qalǵan shyǵyndar boıynsha da osyndaı jaǵdaı oryn alyp tur.
Bul shyǵyndar tasymaldaýshylardyń shyǵyndaryn sýbsıdıalaý kóleminde tikeleı kórsetiledi. Máselen, 2017 jyldan bastap 2022 jylǵa deıin sýbsıdıalar kólemi 13,8 ese, 6,9 mlrd. teńgeden 50 mlrd. teńgege deıin ósti. Aǵymdaǵy jyly sýbsıdıalaýdyń boljamdy kólemi bekitilgen tarıfke sáıkes shamamen 85,5 mlrd teńgeni qurady.
Qoǵamdyq kóliktegi tarıftiń qoldanystaǵy quny saqtalǵan jaǵdaıda sýbsıdıalaý mólsheri jyldan jylǵa ulǵaıatyn bolady, bul jergilikti búdjetke úlken júkteme túsiretin bolady.
Aǵymdaǵy jyly tarıfterdi esepteý ádistemesine sáıkes tarıftiń ortasha quny 425 teńgeni quraıtynyn atap ótken jón.
Osyǵan baılanysty, 2023 jyly tarıftiń qunyn qaıta qaraý jáne qolma-qol aqshasyz tóleý kezinde 100 teńge jáne qolma-qol tóleý kezinde 200 teńge mólsherinde belgileý qajettiligi týyndaıdy. Osyndaı jaǵdaıda sýbsıdıalaýdyń boljamdy kólemi 2023 jyly 10 mlrd. teńgege qysqarady.
Aqparat úshin: Astanada tarıftiń quny 90 teńge jáne 180 teńge, SHQO – da – 90 teńge jáne 130 teńge, Jambyl oblysynda – 85 teńge jáne 130 teńge, Qostanaı oblysynda-100 teńge jáne 170 teńge mólsherinde belgilengen.
Qujat 21 shildege deıin qoǵamdyq talqylaý úshin Ashyq NQA veb-saıtynda ornalastyrylǵan.