Marqum óz-ózine qol jumsaǵan.
Keshe keshke Almatyda "Jastar" turǵyn úı keshenindegi kópqabatty úıdiń 11-qabatynan er adam qulap, qaıtys boldy, dep habarlaıdy Almaty-akshamy.kz
Qalalyq polısıa departamenti bul fakti sotqa deıingi tergeýdiń biryńǵaı tizilimine Qazaqstan Respýblıkasy Qylmystyq kodeksiniń 105-baby ("Ózin-ózi óltirýge ıtermeleý") boıynsha tirkelgenin málimdedi.
"Aldyn ala málimet boıynsha, marqum (1986 jyly týǵan) psıhıkalyq densaýlyq ortalyǵynda tirkeýde turǵan", delingen Almaty polısıa departamentiniń baspasóz qyzmetiniń málimetinde.
Sondaı-aq polısıa bir aıdaı buryn, 8 maýsymda ol óz-ózine qol jumsamaq bolǵanyn aıtty. Sol joly Almaly aýdanynyń ýchaskelik ınspektorlary 11-qabattyń terezesinde otyrǵan 37 jastaǵy almatylyq azamatty aman alyp qalǵan. Inspektorlardyń biriniń aıtýynsha, er adam nege sekirmekke árekettengenin túsindirip bere almaǵan.