Qalanyń kólik ınfraqurylymyna 75,5 mlrd. teńge beriledi.
Aǵymdaǵy jyly Saın kóshesin Rysqulov dańǵylynan Móńke bı kóshesine deıin tesý aıaqtalady, dep habarlaıdy Almaty-akshamy.kz
Bul jumystyń jalpy somasy 2,7 mlrd. teńge turady.
Seıfýllın kóshesi men Jansúgirov kóshesiniń qıylysynda kólik aıryǵyn salýdy jalǵastyrýǵa 2 mlrd. teńge qarastyrylǵan.
Jol kartasy damý baǵdarlamasyn iske asyrý sheńberinde jol júrisin retteýdiń, júrdek avtobýs jelisin salýdyń (BRT 2-kezeń) tehnıkalyq quraldaryn jańǵyrtýǵa, sondaı-aq bilim berý obektilerine qoljetimdilik pen jol qaýipsizdigin qamtamasyz etýge (kirme joldardy salý) 3 JSQ ázirleý josparlanǵan. Oǵan 452,6 mln. teńge qarastyrylǵan.
Qalalyq avtobýs tasymaly jaǵdaıyn jaqsartý úshin qosymsha 400 avtobýsty 40 mlrd. teńgege satyp alý arqyly avtobýs parkin jańartý josparlanýda.