Almaty qalasy máslıhatynyń VIII shaqyrylymynyń kezekten tys II sesıasy ótti.
Turǵyn úı alý kezegin qysqartý maqsatynda halyqtyń áleýmettik osal toptary úshin 2 myń páter satyp alýǵa 38,2 mlrd. teńge bólý josparlanýda, dep habarlaıdy Almaty-akshamy.kz.
«Demeý» jáne «Qamqor» ortalyqtarynda 760 adam qyzmet alady. Olardyń qyzmet kórsetý sapasyn jaqsartý úshin 267,5 mln. teńgege ǵımarattarǵa jóndeý júrgizý josparlanǵan.
Keshendi áleýmettik kómek kórsetý úshin múgedektigi bar 120 adamǵa arnalǵan áleýmettik ıntegrasıa ortalyǵyn ashý josparlanǵan. Bul ortalyqta ońaltý jumystaryn júrgizý, sýret salýǵa, teatr, foto jáne operatorlyq ónerge jáne t. b. oqytý josparlanýda.
Bul maqsattarǵa jergilikti búdjetten 180 mln. teńge qarastyrylǵan.
Mádenıet jáne sport salalaryna 5,5 mlrd. teńge qarastyrylǵan, onyń ishinde:
Kitaphana júıesin sıfrlandyrýǵa 329,7 mln. teńge qarastyrylǵan. Bul kitap alý prosesin avtomattandyrýǵa, oqyrmandarǵa qyzmet kórsetý sapasyn jaqsartýǵa múmkindik beredi.
Jyl saıynǵy kontıngenti 14 myń bala men 2 myńnan astam sportshyny quraıtyn 3 joǵary sport mektebin jáne olımpıadalyq rezervtegi 10 mamandandyrylǵan balalar-jasóspirimder mektebin ustaýǵa jergilikti búdjetten 2 mlrd. teńge bólinedi.
Balýan Sholaq atyndaǵy sport saraıyn jańǵyrtýǵa jáne ustaýǵa 726 mln. teńge qarastyrylǵan.
"Alataý", "Zerdeli" jáne "Jas Qanat" shaǵynaýdandarynda 3 jańa dene shynyqtyrý-saýyqtyrý kesheniniń qurylysy aıaqtalýda. Bul maqsattarǵa jergilikti búdjetten 884,4 mln. teńge. bólinedi.
TKSH salasyna qosymsha qajettilik 44 mlrd. teńgeni quraıdy.
Aǵymdaǵy jyly qalanyń 4 aýdanynda (Alataý, Naýryzbaı, Túrksib, Jetisý) jalpy somasy 1,9 mlrd. teńgeni quraıtyn kóppáterli turǵyn úılerge ınjenerlik jeliler qurylysy aıaqtalýda.
"Jol kartasy" damý baǵdarlamasyn iske asyrý sheńberinde Qalqaman-2 shaǵynaýdany turǵyndary úshin 22 kóppáterli turǵyn úı salý josparlanǵan. Oǵan jergilikti búdjetten 12,6 mlrd. teńge bólinedi.
Almaty jer silkinisi yqtımaldyǵy 10 balǵa deıingi seısmıkalyq qaýipti aımaqta ornalasqan. Tektonıkalyq prosesterdiń belsendiligi ǵımarattardyń jer silkinisine tózimdilik normalaryna áser etedi.
Osyǵan baılanysty jergilikti búdjetten 15 myń azamattyq jáne qoǵamdyq ǵımarattardy, 1 600-den astam kóppáterli turǵyn úılerdi pasporttaý boıynsha jumystardy júrgizýge 2 mlrd. teńge qarastyrylǵan.
Qalanyń 3 aýdanynda (Almaly, Medeý, Bostandyq) 33 jylýmen jabdyqtaý obektileriniń JSQ ázirleýge 349 mln. teńge qarastyrylǵan.
Sondaı-aq, jergilikti búdjetten qalanyń jylý jelilerin qaıta qurý jáne jańǵyrtýǵa (AlJJ jarǵylyq kapıtaly arqyly) 5,3 mlrd. teńge somasynda qarajat kózdelgen.
Qalanyń 5 aýdanynda (Alataý, Jetisý, Medeý, Naýryzbaı, Túrksib) 11 sýmen jabdyqtaý obektisiniń JSQ ázirleý josparlanǵan Bul tarapta 149 mln. teńge qarastyrylǵan.
Qalanyń 3 aýdanynda (Alataý, Áýezov, Medeý) jalpy somasy 3,9 mlrd. teńgege sýmen jabdyqtaý jáne káriz jelileriniń qurylysy bastalady, bul 26 myń turǵyndy sapaly sýmen qamtamasyz etýge múmkindik beredi.
5 aýdanda syrtqy jaryqtandyrý jelilerin ustaýǵa 4,1 mlrd. teńge qarastyrylǵan.