Almaty qalasynda 2022 jylǵy 7 aqpandaǵy qar tazalaý boıynsha aqparat
Almaty qalasynda7 aqpan kúni saǵat 02.00-den bastap qar jaýa bastady. Qalada 8-10 sm, taý bókteri men taýly aýdandarda 15-20 sm qar jaýdy, dep habarlaıdy Almaty-akshamy.kz Almaty qalasynyń Turǵyn úı saıasaty basqarmasyna silteme jasap.
Kóktaıǵaq qubylystarynyń aldyn alý maqsatynda qar jaýǵan sátten bastap joldarǵa kóktaıǵaqqa qarsy 2120 tonna materıaldar sebildi.
Jol tóseminen qardy kúreý, trotýarlardy, jaıaý júrginshiler aımaqtaryn, qoǵamdyq kólik aıaldamalaryn, jalpy paıdalaný oryndaryn tazartý boıynsha jumystar júrgizilýde.
Taýly jáne taý bókterindegi jerlerden qar shyǵarý uıymdastyrylǵan. Saǵat 17.00-degi jaǵdaı boıynsha 2720 tekshe metr qar syrtqa shyǵaryldy.
Qar tazalaý jumystaryna 611 birlik arnaıy tehnıka, 205 qumshashqysh jáne 1665 jol jumysshysy jumyldyryldy.
Aýdandyq ákimdikter men merdiger uıymdarda qar tazalaý jumystarynyń barysyn baqylaý úshin táýlik boıyna kezekshilik uıymdastyryldy.
"Qazgıdromettiń" boljamy boıynsha, qar aralas jaýyn-shashyn úzilispen kútilýde jáne kúnniń ekinshi jartysynda aıaqtalady. Aýa temperatýrasy búgin kúndiz 0, +2 gradýs, tuman, kóktaıǵaq.