Bul týraly frıstaıl-mogýldan Qazaqstan quramasynyń bas bapkeri Elena Krýglyhına Beıjińde ótip jatqan Olımpıada oıyndarynyń alǵashqy jarys kúniniń qorytyndysyna arnalǵan baspasóz konferensıasynda aıtty, dep habarlaıdy Almaty-akshamy.kz. 

Biz tórelikke qatysty pkir aıta almaımyz. Sebebi tóreshilerdiń tájirıbesi joǵary. Olar 4 jyl boıy irikteýden ótedi. Olardyń sheshimine qatysty pikir aıtýǵa quqyǵymyz joq. Jalpy, qurama Olımpıadaǵa daıyn boldy. Medal alýǵa nıettendik. Biraq jaǵdaı osylaı boldy. Nátıje de kóńilimizden shyqpady. Óz jankúıerlerimizden keshirim suraımyz, - dedi Elena Krýglyhına.

Onyń aıtýynsha, biraq ómir munymen aıaqtalmaıdy. 

- Sport ta toqtamaıdy. Osy jaǵdaıdan sheshim shyǵaryp, sabaq alý kerek. Ári qaraı daıyndyqty jalǵastyrý kerek. Jazda karantın sharalarynyń kesirinen daıyndyq jasaý qıyn boldy. Kúzde de syrǵanaıtyn qar izdedik. Barlyq sportshy jyl boıy qarda syrǵanaıdy. Qazaqstan quramasy barlyǵynan az jattyǵý jasap, jaqsy nátıje kórsetedi. Biz birlik pen rýhymyzdy biriktirip, alǵa bettep baramyz. Komandamyz úlken ári aýyzbirshiligi zor. Iýlıa Galyshevaǵa erekshe alǵys aıtqym keledi. Biz osymen toqtamaımyz, berilmeımiz, odan ári jumys isteımiz, - dedi ol.