Qazaqstanda dızel otyny kórshi elderge qaraǵanda arzan
Qazaqstanda dızel otynyn rekordtyq tutyný baıqalýda. Bul týraly QR Energetıka mınıstrliginiń munaı tasymaldaý jáne óńdeý departamentiniń dırektory Baýyrjan Sálimgereev málim etti, dep habarlaıdy Almaty-akshamy.kz.
«Bıyl dızel otynyn tutynýdyń aıtarlyqtaı ósýi baıqalady, shyrqaý shegi 2021 jyldyń tamyzyna keldi. Tutyný kólemi 519 myń tonnany qurady, bul ótken jylmen salystyrǵanda 84 myń tonnaǵa jáne 2019 jylmen salystyrǵanda 37 myń tonnaǵa artyq. Bul - eldiń ishki naryǵynyń tarıhynda bir aıdaǵy tutynýdyń rekordtyq kórsetkishi. Qyrkúıektiń birinshi jartysynyń qorytyndysy boıynsha biz tutynýǵa qatysty osyndaı jaǵdaıdy baıqap otyrmyz», - dedi ol.
Onyń aıtýynsha, tutyný ósiminiń negizgi sebepteriniń biri tranzıttik júk tasymalynyń maýsymdyq ulǵaıýy bolyp tabylady.
«Búginde Qazaqstanda dızel otyny kórshi elderge qaraǵanda arzan, Reseıden - 90 teńgege, Ózbekstanmen salystyrǵanda - 77 teńgege jáne Qyrǵyzstanmen salystyrǵanda - 60 teńgege arzan. Aıyrmashylyqtyń joǵary bolýyna baılanysty bizde barlyq tranzıttik júk kólikteri toltyrylady. İri JMQS aqparaty boıynsha, qalalyq JMQS shamamen 80% benzın men 20% dızel otynyn satady, al trassalarda ornalasqan JMQS-da keri araqatynas baıqalady», - dep naqtylady vedomstvo ókili.
Energetıka mınıstrliginiń derekteri boıynsha, resýrs ustaýshylardyń bosatý baǵasy tonnasyna 189 myń teńgeni nemese lıtrine 159 teńgeni, «AMÓZ» JSHS-ne tonnasyna 187 myń teńgeni nemese QQS-ty qosa alǵanda 159 teńge/lıtrdi quraıdy. Jetkizý men saqtaýdy eskere otyryp, dızel otynynyń baǵasy óńirge baılanysty shamamen 175-180 teńgeni quraıdy, bul JQS baǵasynan arzan.