«Ulaǵatty otbasy – ult qundylyǵy»
Dál osyndaı ataýmen Almatyda qoǵamdyq damý basqarmasy jobalyq keńsesiniń arnaıy uıymdastyrýymen ashyq dıalog alańy ótti, dep habarlaıdy Almaty-akshamy.kz Almaty.tv-ge silteme jasap.
Otbasylyq qundylyqtardy nasıhattaýǵa arnalǵan is-sharaǵa kópke úlgili januıalar, óner juldyzdary qatysty. Jıyn barysynda jastar kókeıde júrgen saýaldaryna jaýap aldy.
«Ár otbasy tuǵyry bıik bolsa, memlekettiń de tuǵyry bıik bolmaq. El bolam deseń ekranyńdy túze deıdi. Osy ekran arqyly, myna kórkem ádebıet arqyly, teatr arqyly ulttyq qundylyqtarymyzdy nasıhattaýymyz kerek», – dedi akter, Qazaqstannyń Eńbek sińirgen qaıratkeri Bolat Ábdilmanov.
«Otbasy qundylyǵy degenimiz ne? Jastar neni bilý kerek? Osy suraqtardyń aınalasynda jaýap izdedik. Jastarǵa qyzyqty boldy dep oılaımyn», – dedi joba uıymdastyrýshysy Darhan Balajanov.