«Alataý sıtı» turǵyn úı kesheniniń 37 jastaǵy turǵyny birneshe ret oq atqan
Almatyda aıdyń kúnniń amanynda qolyna qarý alyp, eldiń úreıin ushyrǵan kúdikti 3-7 jylǵa deıin bas bostandyǵynan aıyrylýy múmkin. Bul týraly Alataý aýdanynyń prokýrory İzbasar Masaqbaev aıtty, dep habarlaıdy Almaty-akshamy.kz Almaty.tv-ge silteme jasap.
Quzyrly organ ókildiginiń habarlaýynsha, iske qatysty sotqa deıingi tergeý bastalǵan. 10 shilde kúni keshki saǵat 10.00-de «Alataý sıtı» turǵyn úı kesheniniń 37 jastaǵy turǵyny «Vepr» markaly atys qarýyn alyp birneshe ret oq atqanyn eske salaıyq. Abyroı bolǵanda eshkim jaralanǵan joq. Polısıa departamenti onyń bul áreketin otbasyndaǵy janjalmen baılanystyryp otyr. Alys sapardan kelgen júk kóliginiń júrgizýshisi áıelimen sózge kelip qalǵan.
«Mamandandyrylǵan aýdanaralyq sotynyń sheshimimen 2 aı merzimge kúzetpen ustaý túrindegi bultartpaý sharasy saksıalandy. Atalǵan azamattyń is-áreketin aqtaýǵa kelmeıdi. Sebebi ol yqshamaýdanda 2 myńnan astam azamat turady. Qarý ustaýǵa, saqtaýǵa onyń ruqsat qaǵazy bar. Biraq orynsyz qarý qoldaný, kópshiliktiń úreıin alý tergeý kezinde saraptalady», – dedi Alataý aýdanynyń prokýrory İzbasar Masaqbaev.