Qala basshysy Bostandyq aýdanynyń turǵyndarymen kezdesti.
2022 jylǵy 1 sáýirde Bostandyq aýdanynda halyqtyń áleýmettik osal toptarynyń problemalaryn sheshý, múmkindigi shekteýli adamdarǵa qyzmetter keshenin usyný, zeınetkerlerdiń bos ýaqytyn uıymdastyrý jáne kóp balaly otbasylardy qoldaý úshin jetkilikti damyǵan júıe jumys isteı bastady, dep habarlaıdy Almaty-akshamy.kz
Búginniń ózinde ártúrli úkimettik emes uıymdar aıasynda áleýmettik jobalarmen aınalysatyn 30 myńnan astam adam memlekettik áleýmettik tapsyrys boıynsha qamtylǵan.
Múmkindigi shekteýli adamdar sanynyń ósýi alańdatyp otyr. Eger budan 5 jyl buryn qalada 45 myń adam bolsa, qazir olar 53 myńnan asady, sonyń ishinde 7 myńnan astam múmkindigi shekteýli azamattarymyz Bostandyq aýdanynda turady.
«Jumys isteıtin múgedek adamdardy qoldaý úshin biz jyldyń basynan jumys isteıtin múgedekter úshin áleýmettik jumys oryndaryn sýbsıdıalaý kólemin – 63 myńnan 92 myń teńgege deıin kóbeıttik, osy maqsattarǵa 405 mln teńge (980 oryn) bóldik.
Almatyda múgedek adamdar úshin áleýmettik ınfraqurylym obektileriniń qoljetimdiligin sheshý úshin 2021 jyldyń qyrkúıek aıynda tıisti jospar bekitildi. Bostandyq aýdany 72 obektini beıimdeý josparyn oryndaýǵa tıis. Bul baǵyttaǵy jumys kúsheıtiledi jáne ózimniń jeke baqylaýyma alamyn», - dedi Almaty ákimi Erbolat Dosaev.
.