Jergilikti búdjetten qosymsha aqy tóleý arqyly jastardyń jalaqysy kóterildi.
Qala ákimi Erbolat Dosaevtyń aıtýynsha, qala stýdentteriniń jalpy sanynyń 25%-y Bostandyq aýdanyna tıesili, dep habarlaıdy Almaty-akshamy.kz
«Jastardy qoldaý úshin bıyl biz (jergilikti búdjetten qosymsha aqy tóleý arqyly) jastar praktıkasy boıynsha jalaqy kólemin 30-dan 40 aılyq eseptik kórsetkishke deıin kóbeıttik, ol 122,5 myń teńgege jetti. Almaty – elimizdegi eń iri stýdentter qalasy. Bostandyq aýdanynda joǵary oqý oryndary (12) men kolejderdiń (20) eń kóp bóligi ornalasqan, onda 68 myń stýdent bilim alady, bul qala stýdentteriniń jalpy sanynyń 25%-yn quraıdy», -dedi megapolıs basshysy.