Áleýmettik-ekonomıkalyq kórsetkishter boıynsha aýdan aldyńǵy qatarda.
Bostandyq aýdanynyń áleýmettik-ekonomıkalyq jaǵdaıyna búgin aýdan turǵyndarymen kezdesýde megapolıs basshysy Erbolat Dosaev egjeı-tegjeıli toqtaldy, dep habarlaıdy Almaty-akshamy.kz
«Jańa formattaǵy alǵashqy kezdesýimdi men qalamyzdyń Bostandyq aýdanynda ótkizýdi sheshtim, sebebi bul eń iri aýdan, onda 365 myń adam nemese Almaty halqynyń 18% turady», - dedi qala ákimi.
Áleýmettik-ekonomıkalyq kórsetkishter boıynsha aýdan aldyńǵy qatarda. Ol jumyspen qamtýdyń 19,7%-yn qamtamasyz etedi (2021 jyly 193,6 myń adam, qaladaǵy barlyq jumyspen qamtylǵandar – 982,7 myń adam). Olardyń negizgi bóligi shaǵyn jáne orta bızneste eńbek etedi – bul aýdandaǵy jumys isteıtin halyqtyń 66,5%-y (128,7 myń adam SHOB-ta).
Aýdan salyq túsimderiniń 24% qamtamasyz etedi, 2021 jyly 284,7 mlrd. teńge ınvestısıa tartyp, I-shi oryndy ıelendi. Bıyl qańtar-aqpan aılarynda ınvestısıa kólemi 13,2%-ǵa ósip, 42,2 mlrd teńgeni qurady.
Bıyl aýdanda 7 000 astam jańa jumys ornyn qurýdy josparlap otyrmyz (qala boıynsha – 52 200). Jumyspen qamtý ortalyǵy arqyly 2 730 adamdy jumysqa ornalastyrý jáne jeke bastamalar esebinen 4 413 oryn josparlanýda.