3 tamyz kúni keshki ýaqytta oblystyq PD krımınaldyq polısıa basqarmasynyń qyzmetkerleri İİM qylmystyq-atqarý júıesi komıtetiniń jedel basqarma qyzmetkerlerimen birlesken jedel-izdestirý is-sharalary barysynda qala shetindegi orman alqabynan jasyrylǵan qarý-jaraq pen oq-dáriler tapty, – dep habarlaıdy Almaty-akshamy.kz Polisia.kz-ke silteme jasap.
Oqıǵa ornynan jedel-tergeý toby qyzmetkerleri “Baıkal” markaly tegis uńǵyly myltyq, “Sovaj” markaly qos uńǵyly karabın, 12 kalıbrli qos uńǵyly sholaq myltyq, IJ-21 tegis uńǵyly myltyq, Makarov tapanshasy, ártúrli kalıbrli 188 birlik oq-dáriler jáne ishinde 1440 patrony bar mórlengen myrysh qorap tárkiledi.
Qazirgi ýaqytta tárkilengen qarý-jaraq pen oq-dárilerge tıisti saraptamalar taǵaıyndaldy. Atalǵan derek boıynsha Qazaqstan Respýblıkasy Qylmystyq kodeksiniń 287-baby 3-bóligine sáıkes qylmystyq is qozǵaldy. Atalǵan baptyń sanksıasyna sáıkes bes jylǵa deıin bas bostandyǵyn shekteýge ne bolmasa sol merzimge bas bostandyǵynan aıyrý jazasy kózdelgen.