Zaısan turǵynynan gazdy tapansha tárkilendi, – dep habarlaıdy Almaty-akshamy.kz Polisia.kz-ke silteme jasap.
Shilde aıynyń sońynda polısıa qyzmetkerleri jedel-izdestirý is-sharalaryn júrgizý barysynda Zaısan qalasynyń Spambetov kóshesinde 23 jastaǵy turǵyndy ustaǵan. Ony jeke tintý barysynda tapansha jáne oǵan arnalǵan úsh patron tárkilendi. Saraptamanyń qorytyndysyna sáıkes, tárkilengen tapansha 1998 jyly shyǵarylǵan 8 mm kalıbrli IJ—79-8 ózin-ózi qorǵaýǵa sondaı-aq, markaly dybystyq sıgnal berýge arnalǵan gazdy tapansha ekendigi, atys qarýy emestigi belgili boldy.
Er adam tapanshany Marqakól aýylyndaǵy avtojoldyń boıynan taýyp alyp, jeke paıdalaný úshin qaldyrǵanyn aıtty. Atalǵan derekke qatysty QR ÁQBtK-niń 482-baby 1-bóligi (Jeke jáne zańdy tulǵalardyń qarýdy zańsyz alý, berý, ótkizý, saqtaý, alyp júrý, tasymaldaý) boıynsha ákimshilik hattama toltyryldy. Osy bap onyń negizgi quramdas bólikterin tárkileı otyryp, 20 AEK mólsherinde aıyppul tóleýge ákep soǵady. Tártip saqshylary azamattarǵa qarý men oq-dárilerdi zańsyz saqtaǵany úshin ákimshilik jáne qylmystyq jaýapkershilik qarastyrylǵanyn taǵy da eske salady. Zańsyz saqtalǵan qarýdy, oq-dárilerdi jáne jarylǵysh zattardy óz erkimen tapsyrǵan adamdar, eger olardyń áreketterinde basqa qylmys quramy bolmasa, qylmystyq jáne ákimshilik jaýapkershilikten bosatylady.