QR Eńbek jáne halyqty áleýmettik qorǵaý mınıstriliginiń málimetinshe, 2023 jyldyń 1 qańtarynan bastap 536,9 myńnan astam adamǵa memlekettik qyzmetterdi proaktıvti kórsetý úshin SMS-habarlama joldandy. Bul rette ótinish berýsiz járdemaqy nemese tólem alý múmkindigin 192,5 myńnan astam adam paıdalandy. Sonymen qatar, 64,4 myńnan astam jumyssyz azamat jumys izdeý múmkindikteri týraly, tegin oqýdan ótý jáne jumyspen qamtý salasyndaǵy basqa da memlekettik qoldaý sharalary týraly aqparat aldy.
"Otbasynyń sıfrlyq kartasy memlekettik organdardyń qoldanystaǵy barlyq aqparattyq júıeleriniń derekteri negizinde qalyptastyrylady. Búgingi tańda onda Qazaqstannyń 19,7 mln-nan astam azamaty nemese 6 mln-nan astam otbasy týraly aqparat jınaqtalǵan", – delingen habarlamada.
- eńbek etý qabiletinen aıyrylǵan jaǵdaıda áleýmettik tólem;
- jumysynan aıyrylǵan jaǵdaıda áleýmettik tólem;
- asyraýshysynan aıyrylý boıynsha áleýmettik tólem nemese járdemaqy;
- múgedektigi bar balany tárbıelep otyrǵan ata-anasyna (qamqorshysyna) járdemaqy;
- múgedektigi boıynsha járdemaqy, kópbalaly otbasylarǵa beriletin járdemaqy;
- "Altyn alqa" jáne "Kúmis alqa" alqalarymen marapattalǵan kópbalaly analarǵa beriletin járdemaqy;
- ataýly áleýmettik kómek, sondaı-aq jerleýge arnalǵan birjolǵy tólem.
Memlekettik qoldaý sharalaryn alýǵa quqyq belgilengen kezde áleýetti alýshyǵa 1414 biryńǵaı baılanys ortalyǵynan SMS-habarlama jiberiledi. Habarlama alǵan azamat oǵan kelisimi týraly jaýap berýi kerek. Ótinishti resimdeý jáne áleýmettik járdemaqy nemese tólem taǵaıyndaý avtomatty rejımde júrgiziledi, sodan keıin aqsha qarajaty alýshynyń bank shotyna aýdarylady.