Almatydaǵy Saıran kóliniń jaǵasynda ótip jatqan tazalyq aksıasyna tanymal óner ıeleri men qoǵam qaıratkerleri qatysyp jatyr. Olardyń qatarynda QR eńbek sińirgen qaıratkeri, halyqtyń súıikti ánshisi Jubanysh Jeksenuly da bar. Ol tabıǵatty aıalaý - árbir azamattyń paryzy ekenin aıtyp, kópshilikti qorshaǵan ortaǵa uqyppen qaraýǵa shaqyrdy, dep habarlaıdy, Aqshamnews.kz tilshisi.
"Qala jalǵyz, biz kóppiz. Eger ár adam ózinen bastap tazalyqqa mán berse, mundaı senbilikterge jıi qatyssa, Almaty odan ári ajarlana túser edi. Tabıǵat - bizge berilgen amanat. Saıran sıaqty kórikti jerlerdi taza ustaý — bolashaq urpaq aldyndaǵy jaýapkershilik. Qolymyzda bar altyndy baǵalaı bileıik", – dedi ánshi.
Onyń aıtýynsha, taza ortada ǵana shyǵarmashylyq ta, rýhanıat ta damıdy. "Mádenıetti adam - eń aldymen tabıǵatty lastamaıtyn adam" degen Jubanysh Jeksenuly bul bastamaǵa barsha almatylyqtardy belsene shaqyrdy.