Mamandar oqıǵanyń sebebin anyqtap jatyr
Almaty qalasynyń ákimi Baqytjan Saǵyntaev 19 maýsymda sırk ǵımaratynyń janynda bolǵan oqys oqıǵaǵa qatysty pikir bildirdi, dep habarlaıdy Almaty.tv.
Qala ákimi bul týraly Twitter-degi paraqshasynda jazdy.
«Sırktegi sýburqaqta qyzdarǵa jáne bireýiniń anasyna qatysty oryn alǵan qaıǵyly oqıǵa polısıanyń tergeýinde. Mundaı jaǵdaı bolmaý kerek. Zardap shekkenderdiń tezirek saýyǵyp ketýine tilektespin», – dep jazdy B. Saǵyntaev.
Esterińizge sala keteıik, 19 maýsymda saǵat 15-16 shamasynda Qazaq memlekettik sırkiniń janyndaǵy sýburqaqta elektr togynyń soǵýynan úsh adam zardap shekken bolatyn. Ákimdikte mamandar oqıǵanyń sebebin anyqtap jatqanyn atap ótti.
