QAJ komıteti raqymshylyq jasaý aktisi qoldanylatyn adamdar tobyn túsindirdi, dep habarlaıdy almaty-akshamy.kz Polisia.kz. silteme jasap.
Qazaqstan Respýblıkasy Parlamenti Májilisiniń depýtattary “QR Táýelsizdiginiń 30 jyldyǵyna baılanysty raqymshylyq jasaý týraly” zań jobasyn qaraýǵa kiristi. Qarastyrylyp otyrǵan qujatta alǵash ret áleýmettik jaǵynan osal adamdar uǵymy engizildi.
Qarastyrylyp otyrǵan qujatta alǵash ret áleýmettik jaǵynan osal adamdar uǵymy engizildi. Zań jobasynyń 2-babyna sáıkes, olarǵa Uly Otan soǵysynyń qatysýshylary men múgedekteri, Qarýly Kúshter, basqa da áskerler men áskerı quralymdar, onyń ishinde burynǵy Keńestik Sosıalısik Respýblıkalar Odaǵy áskerı qyzmetshileriniń jesirleri jatady.
Bul sanatqa qylmystyq quqyq buzýshylyq jasalǵan kezde 18 jasqa tolmaǵan adamdar, 50 jasqa tolǵan jáne odan úlken áıelder, sondaı-aq 60 jastan asqan erler de kiredi. Birinshi jáne ekinshi toptaǵy múgedekterdi, júkti áıelderdi, sottalǵan, ata-ana quqyqtarynan aıyrylmaǵan jáne osy zań qoldanysqa engizilgen kúni kámeletke tolmaǵan balalardyń jalǵyz ata-anasy dep tanylǵan jáne ata-ana quqyqtarynan aıyrylmaǵan áıelderdi de nazardan tys qaldyrmady.
Zań jobasynda qylmystyq teris qylyq jasaǵan jáne zalal keltirýge ákep soqpaǵan, ne ony tolyq ótegen azamattar men memlekettiń qaýipsizdigine qater tóndirmeıtin onsha aýyr emes, sondaı-aq aýyrlyǵy ortasha qylmystar jasaǵan sottalǵandardy jazadan bosatý usynylady. Sondaı-aq, zań jobasynda qarastyrylǵan adamdar úshin negizgi jazanyń merzimi men mólsheri qysqartylady.
Atalǵan toptaǵy adamdar tobyn qaraý kezinde qalǵan zalaldy tolyq óteýi, sondaı-aq osy zań qoldanysqa engizilgen kúni jazasyn óteýge bir jyldan aspaıtyn ýaqyt teris minez-qulyq dárejesiniń bolmaýy eskeriledi.
Óz kezeginde zań jobasy jergilikti atqarýshy organdardyń eńbekke qabiletti adamdardy jumysqa ornalastyrýyn qamtamasyz etýde, sondaı-aq bas bostandyǵynan aıyrý oryndarynan bosap shyqqandarǵa áleýmettik jáne ózge de kómek kórsetýde sharalar qabyldaýyn kózdeıdi.
Qazaqstan Respýblıkasy Táýelsizdiginiń 30 jyldyǵyna raqymshylyq jasaý kámeletke tolmaǵandarǵa jynystyq tıispeýshilikke qarsy qylmys jasaǵandarǵa, jemqorlarǵa, adam óltirgender men ekstremısterge, qylmystyq toptardyń burynǵy qatysýshylaryna qatysty qoldanylmaıdy.
QAJ komıtetinde 30 jyl ishinde Qazaqstanda 8 raqymshylyq jasalǵanyn, sońǵy tórt raqymshylyq Qazaqstan Respýblıkasynyń Táýelsizdik kúnderine oraılastyrylǵanyn atap ótti.