Jarylys saldarynan 118 nysan qıraǵan
Jambyl oblysynda áskerı qoımada bolǵan jarylys kezinde qıraǵan nysandar qalpyna keltiriledi. Bul týraly Jambyl oblysy ákimdiginiń qurylys basqarmasynyń basshysy Erlan Orynbaev Óńirlik komýnıkasıalar qyzmetinde jarylystan zardap shekken aýmaqty qalpyna keltirý barysy týraly ótken brıfıńte aıtty, dep habarlaıdy Almaty-akshamy.kz
«Jambyldaǵy jarylystyń saldarynan qıraǵan ǵımarattardy qalpyna keltirý men shyǵyndy esepteý úshin ákimdik arnaıy top qurdy. Bes jumys toby osy jumystarmen aınalysady. Onyń quramynda «QazQSǴZI», jobalyq uıym ókilderi men TJM ókilderi bar», - dedi Erlan Orynbaev.
Orynbaev ataǵandaı, 47 nysanǵa «QazQSǴZI» tehnıkalyq sheshim shyǵardy.
«Aldyn ala málimetter boıynsha, jarylystan 118 jyljymaıtyn jeke múlikke zardap kelgen. Onyń ishinde 106 turǵyn úı men 12 komersıalyq uıym. Onyń ishinde 35 úı men 12 komersıalyq uıym aıtarlyqtaı qıraǵan. Búginde 12 merdigerlik uıym qalpyna keltirý jumystaryna kiristi. 23 tehnıka men 185 qyzmetker jumys istep jatyr. 71 turǵyn úı jeńil qıraǵan. Onyń 43-inde jóndeý jumystary aıaqtaldy», - dedi ol.
Ózge nysandardy jóndeý jumystary 1-1,5 aı ishinde aıaqtaý josparlanǵan.
«Tórt áleýmettik nysanǵa zıan keltirilgen. Onyń úsheýi mektep bolsa, bireýi - medpýnkt. Jibek joly aýylyndaǵy orta mektep aıtarlyqtaı qıraǵan», - dedi ol.