Qarjylyq monıtorıń agenttigi 660 myń el azamaty ózin «jalǵan muqtaj» retinde kórsetkenderge qarjy aýdarǵanyn anyqtady.
Alaıaqtar kúmándi maqsattaryna aqsha jınaý úshin 138 banktik kartany (kraýdfandıngke) paıdalanǵan, dep habarlaıdy Almaty-akshamy.kz.
Qarjylyq monıtorıń agenttigi qaıyrymdylyq maqsatynda jınalǵan 6 mlrd qarjynyń 2 mıllıardqa jýyǵynda alaıaqtyq belgileri bar bolýy yqtımal ekenin aıtty.
«Qarjy negizinen qaıyrymdylyq maqsatta jınalǵan. «Jalǵan muqtajdar» aqshany jyljymaly jáne jyljymaıtyn múlikti satyp alýǵa, turmystyq shyǵyndarǵa, býkmekerlik keńselerde bás tigýge jáne shetelden qymbat páterlerdi jalǵa alýǵa jumsaıdy. Janashyr azamattardyń jaqsy nıeti, alaıaqtar úshin ońaı tabysqa aınalýy múmkin», - delingen agenttik habarlamasynda.