Premer-Mınıstrdiń orynbasary – syrtqy ister mınıstri Murat Nurtileý bastaǵan qazaqstandyq delegasıa BUU esirtki quraldary jónindegi komısıasynyń 67-shi sesıasyna qatysty.
Komısıaǵa 1000-nan astam delegat, onyń ishinde túrli elderdiń esirtkiniń zańsyz aınalymyna qarsy is-qımyl máselelerine jetekshilik etetin vedomstvolarynyń 100-den astam basshylary qatysty, dep habarlaıdy Almaty-akshamy.kz Polisia.kz-ke silteme jasap.
Sesıa barysynda delegattar álemdik esirtki problemasymen kúresýdiń keshendi strategıasy boıynsha halyqaralyq yntymaqtastyq máselelerin talqylady.
Sharaǵa İshki ister mınıstrliginen mınıstrdiń orynbasary Aıdos Rysbaev qatysty. Ol óz sózinde Qazaqstan úkimetiniń ulttyq, óńirlik jáne halyqaralyq deńgeıde esirtkiniń zańsyz aınalymyna qarsy kúres boıynsha qabyldap jatqan sharalaryna nazar aýdardy. Shtab-páteri Almatyda ornalasqan Ortalyq Azıa óńirlik aqparattyq úılestirý ortalyǵynyń esirtkiniń zańsyz aınalymyna qarsy kúreske mańyzdy úles qosatynyn habarlady.