Astanada Qazaqstan Respýblıkasy Mádenıet jáne aqparat mınıstrliginiń qoldaýymen uıymdastyrylǵan Qazaqstan halqy Assambleıasynyń jyl saıynǵy «Qaıyrymdylyq kerýeni» respýblıkalyq forýmy ótti, dep habarlaıdy aqshamnews.kz.
Forým aıasynda Áskerı-tarıhı murajaıda QHA-nyń «Jomart jan» respýblıkalyq ortalyǵynyń Respýblıka kúnine arnalǵan otyrysy ótti. «Qaıyrymdylyq kerýeni» respýblıkalyq aksıasy 1 naýryzda Alǵys aıtý kúni aıasynda bastaldy. Qazaqstannyń barlyq óńirlerinen volonterler men qaıyrymdy jandar jınaldy.
Aksıa aıasynda erekshe nazar aýdarylǵan «Júrekten júrekke» jáne «Mektepke jol» sıaqty kóptegen ekologıalyq, volonterlik jáne qaıyrymdylyq is-sharalar ótkizildi. Forýmda «Qaıyrymdylyq kerýeni» aksıasyna qatysýshylardy qaıyrymdylyqqa qosqan eleýli úlesi úshin «Jomart jan» QHA qurmet belgisimen marapattaý rásimi ótti.
Mesenattar, volonterler jáne qoǵamdyq uıymdardyń ókilderi marapattarǵa ıe boldy. İs-sharada erekshe qajettilikteri bar balalardyń óner kórsetip, kópshilik yqylasyna bólendi. Atalmysh forým tájirıbe almasýdyń jáne qaıyrymdylyq kórsetýdiń eń ozyq úlgisin usynatyn alań ǵana emes, sonymen qatar birlik pen ózara kómek qoǵamdy biriktire alatynynyń jarqyn mysaly boldy.
Eske sala ketsek, buǵan deıin «shańyraqtyń» shańyraǵyn án kernegeni jaıynda jazǵan bolatynbyz.