Almaty qalasy jastar saıasaty basqarmasynyń basshysy bolyp Halyqaralyq bilim berý korporasıasynyń (QazBSQA, QAÝ) burynǵy-birinshi prorektory Qaıyrjan Meńdiǵalıev taǵaıyndaldy, dep habarlaıdy Almaty-akshamy.kz.
Qaıyrjan Meńdiǵalıev 2011 jyly ál-Farabı atyndaǵy Qazaq ulttyq ýnıversıtetiniń ekonomıka jáne bıznes joǵary mektebin «quqyq jáne ekonomıka negizi» mamandyǵy boıynsha bitirdi, 2013 jyly osy ýnıversıtette «ınovasıalyq menedjment» mamandyǵy boıynsha ekonomıka ǵylymdarynyń magıstri dárejesin aldy.
2013 jyldan 2014 jyldar aralyǵynda Halyqaralyq bıznes ýnıversıtetinde oqytýshy bolyp jumys istedi.
2014 jyldyń maýsymy men qyrkúıek aılary aralyǵynda Halyqaralyq bıznes ýnıversıtetiniń túlekterimen jáne stýdenttermen jumys jónindegi departamentiniń dırektory qyzmetin atqardy.
2014 jyldan 2016 jylǵa deıin Halyqaralyq bıznes ýnıversıtetiniń marketıń jáne áleýmettik damý departamentiniń dırektory qyzmetin atqardy.
2016 jyldan 2018 jyldar aralyǵynda Halyqaralyq bıznes ýnıversıtetiniń áleýmettik damý jónindegi prorektory qyzmetin atqardy.
2018 jyldan 2021 jylǵa deıin jeke qurylymdarda jumys istedi.
Almaty qalasy jastar saıasaty basqarmasynyń basshysy bolyp taǵaıyndalǵanǵa deıin Halyqaralyq bilim berý korporasıasynyń birinshi prorektory qyzmetin atqardy.