Almaty qalasy ákimdigi máslıhatynyń qalany basqarý syzbasyn bekitý týraly (04.03.2022 j.) sheshimi jáne ákimdiktiń qala ákimdiginiń qurylymdyq bólimshelerin qaıta uıymdastyrý jáne qaıta ataý týraly (09.03.2022 j.) qaýlysy negizinde Almaty qalasy ákimdiginiń qurylymyna ózgerister engizildi, dep habarlaıdy Almaty-akshamy.kz.
- áleýmettik ál-aýqat basqarmasy odan eńbek ınspeksıasy basqarmasyn bólý arqyly qaıta quryldy;
- strategıa jáne búdjet basqarmasy qarjy basqarmasy men ekonomıka basqarmasyna bóliný arqyly qaıta quryldy;
- kreatıvti ındýstrıalar basqarmasy jastarmen jumys jónindegi fýnksıalardy keńeıte otyryp, jastar saıasaty basqarmasy bolyp qaıta quryldy;
- energıa tıimdiligi jáne ınfraqurylymdyq damý basqarmasy energetıka jáne sýmen jabdyqtaý basqarmasy bolyp qaıta ataldy;
- turǵyn úı saıasaty basqarmasy komýnaldyq ınfraqurylymdy damytý basqarmasy bolyp ózgertildi;
- jasyl ekonomıka basqarmasy ekologıa jáne qorshaǵan orta basqarmasy bolyp qaıta ataldy;
- jaıly qalalyq orta basqarmasy – qurylys basqarmasy bolyp ózgertildi;
- qoǵamdyq densaýlyq basqarmasy – qoǵamdyq densaýlyq saqtaý basqarmasy bolyp qaıta ataldy.