Abaı atyndaǵy QazUPÝ-da Basqarma tóraǵasy - rektor Darhan Bilálov bastaǵan ýnıversıtet basshylyǵynyń Marmara ýnıversıtetiniń (Stambýl q., Túrkıa) delegasıasymen kezdesýi ótti, dep habarlaıdy Almaty-akshamy.kz.
Marmara ýnıversıtetinen kelgen delegasıa quramynda bilim berý isi jónindegi prorektor profesor Mustafa Jelen, ǵylymı jumys jónindegi prorektor profesor Hasan Qorqyt, bas hatshy, dosent Murat Arısal, halyqaralyq qatynastar jáne akademıalyq yntymaqtastyq basqarmasynyń bas dırektory, profesor Nýrı Tınaz boldy.
Kezdesý barysynda eki ýnıversıtet týraly aqparat usynyldy, olardyń birlesken jumys isteý múmkindigi talqylandy jáne eki joǵary oqý orny arasyndaǵy neǵurlym tyǵyz áriptestiktiń negizin qalaıtyn baǵyttar kelisildi.
Marmara ýnıversıteti men Abaı atyndaǵy QazUPÝ 2018 jyldan beri qyzmet etip keledi. Osy kezeńde Abaı atyndaǵy QazUPÝ-dyń 200-den astam magıstranty Marmara ýnıversıtetinde taǵylymdamadan ótti.
Abaı atyndaǵy QazUPÝ Tarıh jáne quqyq ınstıtýty men Marmara ýnıversıteti arasynda qos dıplomdy bilim berý baǵdarlamalaryn ázirleý máseleleri talqylandy, sonymen qatar eki ýnıversıtet rektorlary Ózara túsinistik týraly memorandýmǵa qol qoıdy.