2021 jyldyń qorytyndysy boıynsha, jumyssyzdardyń úlesi Almaty men Shymkent qalalary, Túrkistan oblysynda joǵary bolǵan.
Eńbek jáne halyq áleýmettik qorǵaý mınıstrliginiń málimetinshe, byltyr jumyssyzdyqtyń eń joǵary deńgeıi (respýblıkalyq mánnen joǵary) Almaty qalasynda (5,2%), Túrkistan oblysynda (5,1%) jáne Shymkent qalasynda (5%) baıqalǵan, dep habarlaıdy Almaty-akshamy.kz
Jumyssyzdyqtyń eń tómengi kórsetkishteri Qaraǵandy oblysynda (4,5%) jáne Nur-Sultan qalasynda (4,6%) tirkelgen.
Sondaı-aq jalaqy boıynsha úzdik úshtikke Atyraý (aıyna 412 myń teńge) jáne Mańǵystaý (349 myń teńge) oblystary, Nur-Sultan qalasy (341 myń teńge) jáne Almaty qalasy (293 myń teńge) endi, al basqa óńirlerinde ortasha aılyq jalaqy jalpyrespýblıkalyq kórsetkishke jetpeıdi. Ondaǵy jalaqy – 187 myń teńge men 240 myń teńge aralyǵynda.