Kompanıalar temirjol tarıfin negizsiz kóterip, qyrýar paıda tapqan.
Qaırat Satybaldyulynyń baqylaýyndaǵy eki kompanıanyń basshysy ustalyp, sot sanksıasymen qamaýǵa alyndy, dep habarlaıdy Almaty-akshamy.kz Sybaılas jemqorlyqqa qarsy qyzmet agenttigine silteme jasap.
Sybaılas jemqorlyqqa qarsy qyzmet Qaırat Satybaldyulyna, onyń burynǵy áıeli G.Satybaldyǵa jáne basqa da tulǵalarǵa qatysty tergeýdi jalǵastyryp jatyr.
«Tergeý Q.Satybaldyulynyń baqylaýyndaǵy kompanıalar – kirme temirjol jelileri (sońǵy kılometr) ıeleriniń aqsha jymqyrǵanyn anyqtady», - delingen habarlamada.
Qaırat Satybaldyulynyń baqylaýyndaǵy eki kompanıanyń basshylary ustalyp, sot sanksıasymen qamaýǵa alyndy.
«Atalǵan tulǵalar memlekettik organdardyń laýazymdy tulǵalarynyń kómegimen eldegi qala quraýshy kásiporyndarǵa kireberis joldarǵa qyzmet kórsetý tarıfin negizsiz joǵarylatý arqyly mıllıardtaǵan paıda tapqan, bul halyqtyń tirshiligin qamtamasyz etý qyzmetteri baǵasynyń ósýine ákelgen», - dep atap ótti sybaılas jemqorlyqqa qarsy qyzmet.
Kúdiktilerdiń kinásin sot anyqtaıdy.
Tergeý múddesine baılanysty basqa aqparattar jarıa etilmeıdi.