QHA-nyń aldaǵy sesıasy 29 sáýirde ótedi.
«El birligi – jańarǵan Qazaqstannyń negizi» taqyrybyndaǵy Assambleıa sesıasyn shaqyrý týraly ókimge Memleket basshysy qol qoıdy, dep habarlaıdy Almaty-akshamy.kz
«Qoǵamdyq kelisim» RMM dırektory Ǵalymjan Qusmanǵalı Qazaqstan halqy Assambleıasynyń HHHİ sesıasynda qandaı máseleler talqylanatynyn aıtyp berdi.
«Prezıdenttiń saıası ózgeristerdi júzege asyrýǵa baǵyttalǵan jańa saıası bastamalary aıasynda Qazaqstan halqy Assambleıasynyń jáne onyń qoǵamdyq qurylymdarynyń róli men mańyzyn qarastyrý qajet ekeni sózsiz. Osy jáne basqa da máseleler 29 sáýirde ótetin QHA-nyń aldaǵy sesıasynda talqylanady. Prezıdent «El birligi – jańarǵan Qazaqstannyń negizi» kún tártibimen Assambleıa sesıasyn shaqyrý týraly ókimge qol qoıdy», - dedi Ǵalymjan Qusmanǵalı.
Spıkerdiń aıtýynsha, sesıa eki kúnge josparlanǵan. Birinshi kúni úsh seksıada pikirtalastar ótedi – «Ult keleshegi jáne QHA-ny jańǵyrtý, «Halyq birligi; bilimniń, mádenıettiń jáne azamattyq qoǵam men buqaralyq medıa ınstıtýttarynyń róli» jáne úshinshi seksıanyń taqyryby: «Qazaqstan halqy Assambleıasynyń jastar sesıasy». Ekinshi kúni QHA sesıasy Prezıdent Qasym-Jomart Toqaevtyń tóraǵalyǵymen ótedi.