"Qaırat" fýtbol klýbynyń CHL-daǵy úshinsh machi kıprlik "Pafos" klýbyna qarsy 21 qazanda ótpek. Atalmysh oıynnyń bıletterine qatysty jańa málimet jarıalandy, - dep habarlaıdy Aqshamnews.kz tilshisi.
Klýb pen resmı seriktester taratqan aqparatqa súıensek, satylym tártibi men shekteýler mynadaı:
Bıletter qashan satylyp bastaıdy?
- Bıletter satylymy: 13 qazan, 12:30.
- Mach ótetin kún men oryn: 21 qazan, 21:45, Ortalyq stadıon (Almaty). Chempıondar lıgasynyń aıasyndaǵy mach.
Qaıdan satyp alýǵa bolady?
- Bıletter tek resmı arnalarda qoljetimdi:
- Freedom SuperApp
- Qairat SuperApp
- Basqa platformalar men qaıta satý saıttarynan alynǵan bıletterdiń jaramdylyǵyna klýb jaýap bermeıdi.
Kútý bólmesi (waiting room) qalaı jumys isteıdi?
- Paıdalanýshylar sany kóp bolǵan jaǵdaıda júıe sizdi avtomatty túrde «kútý bólmesine» baǵyttaıdy.
- Terezeni jappaı, ashyq kúıde saqtańyz. Sizdiń kezegińiz jaqyndaǵanda bılet satyp alý beti ózdiginen ashylady.
- Eger betti kezdeısoq jaýyp alsańyz, júıe sizdiń kezegińizdi 10 mınýtqa deıin saqtaıdy. Osy ýaqyt ishinde qaıta kirseńiz, ornyńyz joǵalmaıdy.
Bir paıdalanýshy qansha bılet ala alady?
- Bir qoldanýshy (bir telefon nómiri jáne bir bank kartasy) bir machqa eń kóbi eki bılet satyp ala alady.
- Satyp alý kezinde JSN nemese pasport derekteri engiziledi. Ár bılet naqty adamnyń JSN-ine tirkeledi.
Eki bıletti bir JSN-men rásimdeýge bola ma?
- Joq. Ár bılet jeke JSN-ge baılanady. Eki bılet alsańyz, ekeýine de tıisti adamdardyń derekteri qajet.
Mańyzdy keńester
- Qosymshany aldyn ala jańartyp alyńyz, bank kartasy men ınternet baılanysyn tekserińiz.
- Kútý bólmesinde turǵan kezde betti jańartpańyz jáne qoldanbany jappańyz.
- Satyp alý aıaqtalǵan soń, bılettiń QR-kodyn jáne tapsyrys nómirin qaýipsiz jerde saqtańyz.