«Qaırat» fýtzal komandasy Chempıondar lıgasy elıtalyq satysyndaǵy ekinshi oıynyn Slovenıanyń «Doboves» komandasyna qarsy ótkizdi.
Oıynnyń 3-mınýtynda slovenıalyq qorǵaýshy óziniń qaqpasyna gol soǵyp aldy. «Qaırattyń» oıynshylary 15, 17-mınýtta esepti ústemeleı tústi, dep habarlaıdy Almaty-akshamy.kz.
24.kz aqparatynsha, ekinshi kezeńde qazaqstandyq komanda sol basymdyqty arttyrdy. Keıin qaqpaǵa tórt dop saldy. Aıta ketsek, qazaqstandyq ujym qazirge deıin «Benfıkadan» 2:3 esebimen jeńilse, «Prıshtınany» 11:2 esebimen súrindirdi.
Týrnır kestesinde «Benfıka» men «Qaırat» komandalarynda alty upaıdan bar. Ózara kezdesýinde jeńiske jetken portýgalıalyq klýb «Tórteýdiń fınaly» satysyna joldama aldy.