Naqtyraq aıtqanda, jarnama sýretindegi kıiz úı úshin talas týyndaǵan.
Qyrǵyz jáne qazaqstandyq segmentterdegi áleýmettik jeli qoldanýshylary jún men kashemırden kıim tigetin ıtalályq kompanıanyń jarnamasyndaǵy kıiz úıdiń sýretine baılanysty daýlasyp jatyr, dep habarlaıdy Almaty-akshamy.kz Egemen.kz-ke silteme jasap.
Kaktus.media saıtynyń jazýynsha, jarnamanyń fotosessıasy men beınetúsirilim qaı elde jáne qashan túsirilgeni týraly esh aqparat joq.
Alaıda kıiz úıdiń kire berisindegi gobelen men kıiz úıdiń esigindegi oıý-órnekke qaraǵanda, bul Mońǵolıadan alynǵan kıiz úı bolýy múmkin.
«Gobelendegi geometrıalyq órnek mońǵol mádenıetinde nemese Sibir turǵyndary arasynda keń taralǵan, biraq qyrǵyzdar men qazaqtarda kezdespeıdi.Bul esiktegi órnekterge de qatysty: elementterdiń mundaı órnegi óte qarapaıym bolǵanymen, bul ulttarǵa tán emes», - dep jazady basylym.
Brendtiń resmı saıtynda ónimderdiń materıaldaryn Mońǵolıadan nemese İshki Mońǵolıa aımaǵynan (Qytaı) ákelingeni aıtylǵan.
«Osy faktorlardyń barlyǵyn eskere otyryp, tanystyrylymda kórsetilgen kıiz úı basqa etnos ókilderinen góri mońǵol elinen bolýy múmkin dep boljaýǵa bolady. Kıiz úı tek qyrǵyzdardyń nemese qazaqtardyń ǵana emes, sonymen birge Ortalyq Azıanyń, Mońǵolıa men Sibirdiń barlyq kóshpeli mádenıetterine tán ekenin este ustaǵan jón», - delingen maqalada.