Taǵy bir aıǵa uzartyldy.
Qaırat Boranbaevty kúzetpen ustap, bultartpaý merzimi uzartyldy, dep habarlaıdy Almaty-akshamy.kz QazAqparatqa silteme jasap.
«2022 jylǵy 8 qyrkúıekte Astana qalasynyń mamandandyrylǵan aýdanaralyq tergeý soty kúdikti Qaırat Boranbaevqa qatysty belgilengen kúzetpen ustaý túrindegi bultartpaý sharasynyń merzimin bir aıǵa uzartty», - delingen Astana qalalyq soty baspasóz qyzmeti taratqan aqparatta.
Esterińizge sala keteıik, Qarjylyq monıtorıń agenttigi Qaırat Boranbaevtyń ústinen kvazımemlekettik sektorda asa iri kólemde qarajat jymqyrý faktisimen is qozǵap, ýaqytsha ustaý ızolátoryna qamaǵan bolatyn.
Qazirgi ýaqytta iri mólsherde, onyń ishinde shetelde qylmystyq kiristi zańdastyrý belgileri bar neǵurlym rezonanstyq isterdi tergep-tekserý erekshe baqylaýda.
Bul - Q.Satybaldyulyna, G.Satybaldyǵa, Q.Boranbaevqa, «ÓKM» JSHS operatorynyń basshylaryna qatysty jáne basqa ister.
Qazirgi ýaqytta tergeý organdary qabyldaǵan sharalardyń arqasynda shamamen 230 mlrd teńge, onyń ishinde olardy sheteldik ıýrısdıksıalardan qaıtarý jolymen óteldi.
Sondaı-aq, sybaılas jemqorlyqqa qarsy qyzmet tergep-tekserip jatqan is boıynsha aıyptalýshylar Lıhtenshteınnen 170 mln AQSH dollaryn óz erkimen qaıtardy.