Qazaqstan tarıhyn tanýdyń jańa múmkindigi.
Atyraýda kez kelgen adam Saraıshyq qalashyǵy men murajaı-qoryǵy, Hıýaz Dospanova, Jumeken Nájimedenov jáne Dına Nurpeıisovanyń eskertkishteri týraly QR-kodtar arqyly bile alady, dep habarlaıdy Almaty-akshamy.kz.
Aıta keteıik, óńirdiń mádenı murasyn sıfrlandyrý jobasyna jergilikti búdjetten 15 mln teńgege jumsaldy. Qazir oblysta respýblıkalyq mańyzy bar 4 jáne jergilikti deńgeıdegi 300-den astam tarıhı-mádenı eskertkish bar.
«Bes tilde aqparat ala alady. Iaǵnı qazaqsha, oryssha, aǵylshynsha, túrikshe jáne qytaı tilderinde. Bul aqparatty oqý jáne aýdıojazba tyńdaý arqyly jáne 3D týr júrgizý arqyly aqparattar beriledi. Bul basqa oblystardan, shetelden kelgen týrıserge óte yńǵaıly joba», - deıdi oblystyq kásipkerlik jáne týrızm basqarmasynyń bólim basshysy Álıma Ramazanova.
Al Pavlodarda belgili aqyn-jazýshylardyń, qoǵam qaıratkerleriniń ádebı murasy barynsha nasıhattalýda. Belgili tarıhı tulǵalar jaıly aqparat aıaldamalarǵa ornalastyrylǵan. Jalpy, mundaı shaǵyn murajaılardy 40-tan astam osy syndy jerlerde uıymdastyrý kózdelgen. Joba avtorlary osylaısha qala turǵyndaryn Qazaqstan tarıhyna eleýli úles qosqan birtýar tulǵalardyń taǵlymdy ómiri jáne shyǵarmashylyǵymen etene tanystyrýdy mise tutqan.
«Bul jerdegi eń keremet dúnıe, kez kelgen turǵyn aıaldamada avtobýsty kúte turyp, osy elge, osy dalaǵa qyzmet etken, osy dala úshin ózderiniń baryn salǵan azamattardy tanı túsedi», - dedi oblystyq mádenıet jáne tildirdi damytý, arhıv isteri basqarmasy basshysynyń m.a Medet Taýasqan.