Qaırat Boranbaev taǵylǵan aıyptardy moıyndamady.
Onyń aıtýynsha, "Qazaq Gaz" AQ kompanıasy óziniń barlyq salyqtyq, quqyqtyq jáne aýdıtorlyq qortyndylaryn tapsyrǵan. Olardy "úlken tórttikke" kiretin Ernst&Young kompanıasy júrgizgen. Aýdıtorlyq tekserý barysynda eshbir shyǵynnyń bolmaǵany anyqtalǵan. "Azıa GazCHýndja" JSHS men "Qazaq Gaz" AQ arasynda ádettegi azamattyq-quqyqtyq kelisimshart jasalǵan.
"Men tek ("AzıaGazCHýndja" JSHS) aksıonerimin jáne meni aksıoner retinde qamaýǵa aldy. Bizdiń holdıńte barlyq kelisimsharttardy, barlyq qarjy-sharýashylyq qyzmetti bas dırektor júrgizedi. Kompanıa gaz satyp alyp, "Qazaq Gaz" AQ kompanıasyna satqan, kelisimshartta saýda-sattyqqa baǵa formýlasy bolǵan. Oǵan sáıkes "QazTransGaz" AQ (qazir "Qazaq Gaz" AQ) ár tonnadan 10 dollar, ıaǵnı saýda-sattyq somasynan 20 mln dollar paıda tapqan. Budan bólek bul gaz kóleminiń barlyǵy Qytaıǵa jóneltildi, ıaǵnı kompanıa taǵy 220 mln dollar paıda tapty", - dedi Boranbaev.
Sondaı-aq, ol kompanıa barlyq tasymaldaý shyǵyndaryn tólegenin aıtty.
"Qazir men osy qujattardyń barlyǵyn zerttep kórdim, bizde túrli kelisimsharttar kóp bolǵandyqtan, osyǵan deıin, árıne, bilmedim. Alaıda, bizge budan basqa aıyp taǵylmaǵandyqtan, men ony muqıat zerttedim. "AzıaGazCHýndja" JSHS" tasymal quny úshin ǵana 125 mln tólegen. Bul "Qazaq Gaz" AQ ishindegi transport kommpanıasynyń kirisi", - dedi Qaırat Boranbaev.
Tergeý málimetterine sáıkes, osy is boıynsha kúdikke ilingen Qaırat Boranbaev, Roman Nahanov jáne Taıyr Januzaqov 2019 jyly ózderiniń baqylaýyndaǵy "AzıaGazCHýndja" JSHS arqyly gaz tasymaldaý kezinde "Qazaq Gaz" AQ ulttyq kommpanıasynyń qarjysyn jymqyrý sqemasyn júzege asyrǵan. Nátıjesinde jymqyrylǵan 14,5 mlrd teńgeni zańdy kásipkerlik qyzmetten túsken paıda retinde dıvıdendtik tólemmen bólip berý arqyly zańdastyrǵan.