Elimizdiń Densaýlyq saqtaý mınıstrligi Qytaıda koronavırýs indetiniń órshýine baılanysty qazaqstandyqtardan atalǵan elge barýdan bas tartýdy usyndy, dep habarlaıdy Almaty-akshamy.kz QazAqparatqa silteme jasap.
Mınıstrliktiń málimetinshe, Qazaqstanda Qytaıdan keletin azamattarǵa qatysty karantındik talaptar men sharalardy qatańdatý jospary joq.
Aıta ketsek, búginde Shanhaı aýrýhanalary naýqastarǵa toly. Kún saıyn medısına mekemelerine COVID-19 belgileri bar myńdaǵan naýqas shuǵyl túrde túsedi. Olardyń kópshiligi – 65 jastan asqandar, dep habarlaǵan edi Euronews.
Qytaıdyń memlekettik buqaralyq aqparat quraldary 25 mıllıon turǵyny bar megapolıs halqynyń 70%-y vırýs juqtyrǵan bolýy múmkindigi aıtyldy. Osyǵan oraı birqatar memleket Qytaıdan keletin jolaýshylarǵa jańa talaptar qoıǵan edi. Óz kezeginde Qytaıdyń Syrtqy ister mınıstrligi koronavırýsqa qarsy karantın talaptaryn kúsheıtken elderge úndeý jarıalady.
QHR Syrtqy ister mınıstrliginiń resmı ókili Mao Nınniń málimdeýinshe, elder qabyldap jatqan koronavırýspen kúres sharalary ǵylymı negizdelgen jáne úılesimdi bolýy tıis. Sondaı-aq, adamdardyń ózara aralasýy elder arasyndaǵy yntymaqtastyqqa áser etpeýi kerek.
Sondaı-aq, resmı ókildiń aıtýynsha, Qytaıda indettiń taralýyna qatysty aqparat ýaqtyly, ashyq ári zańǵa saı taratylyp jatyr.