Aqmola oblysynda 45 jastaǵy er adam gıpotermıadan qaıtys boldy, dep habarlaıdy Aqshamnews.kz tilshisi óńirlik TJD baspasóz qyzmetine silteme jasap.
Oqıǵanyń mán-jaıy
QR TJM jedel-qutqarý jasaǵy Qaırankól kólinde avarıalyq-qutqarý jumystaryn júrgizdi. Motorly qaıyqpen balyq aýlaýǵa shyqqan 45 jastaǵy er adam belgisiz sebeppen sýǵa qulap, ózdiginen jaǵaǵa jete almaǵan.
Habar túsken boıda qutqarýshylar oqıǵa ornyna jedel jetip, zardap shekken adamdy sýdan shyǵaryp, jaǵaǵa jetkizdi.
"Oǵan alǵashqy medısınalyq kómek kórsetildi, keıin medısına qyzmetkerlerine tapsyryldy. Alaıda keıingi aqparat boıynsha, er adam úsik saldarynan kóz jumdy", - delingen TJD habarlamasynda.
TJM eskertýi
Mınıstrlik sý aıdyndaryna shyǵar aldynda júzý quraldarynyń tehnıkalyq jaı-kúıin muqıat tekserýdi, baılanys quraldaryn jáne qutqarý keýdeshelerin ózińizben birge alyp júrýdi eske salady.