Feldsher janyp jatqan salonnan qymbat medısınalyq jabdyq pen ottegi balonyn alyp shyqty
QR Densaýlyq saqtaý mınıstriniń buıryǵymen Qyzylorda oblystyq jedel járdem stansıasynyń medısınalyq avıasıa bólimshesiniń feldsheri Marat Meırambek Densaýlyq saqtaý isiniń úzdigi tósbelgisimen marapattaldy, dep habarlaıdy Almaty-akshamy.kz QR Densaýlyq saqtaý mınıstrligine silteme jasap.
M.Meırambek naǵyz erlik jasady – óz ómirin qaterge tigip, janyp jatqan ushaqtyń bortynda ottegi balonynyń jarylýyna jol bermedi. Onyń batyldyǵynyń arqasynda bári aman qaldy.
2022 jyldyń aqpan aıynda aýdan ortalyǵynan 10 shaqyrym jerde "Qyzylorda-Aral" baǵyty boıynsha dıabettik komadaǵy 16 jasar pasıentti tasymaldaý boıynsha sanıtarlyq reıs oryndaǵan An-2 ushaǵy shuǵyl qoný kezinde otqa orandy.
Feldsher janyp jatqan salonnan qymbat medısınalyq jabdyq pen ottegi balonyn alyp shyqty. Balon sońǵy sátte kez kelgen sekýndta jarylyp, pasıenttiń, onyń jáne eki ushqyshtyń ómirin qıýy múmkin edi.