Bul úıler turǵyndarǵa «Nurly Jer» baǵdarlamasy aıasynda daıyndalǵan
Taldyqorǵan qalasynyń aýmaǵynda 300-den astam azamat 14 apatty úıde turyp jatyr, dep habarlaıdy Almaty-akshamy.kz Azattyq Ruhy-na silteme jasap.
Ákimdiktiń málimetinshe, eski úıler Kıvılev, Shevchenko, Abylaı han kósheleri men Jetisý shaǵyn aýmaǵynda ornalasqan. Kıvılev kóshesiniń boıynda 8 páterli 4 úı ornalasqan. Onyń ishinde 29 páterdiń menshik quqyǵy bar. Al úsheýi zańdastyrylmaǵan. Jergilikti bılik turǵyndardy kóshirý úshin ázirge tek 27 páter satyp alynǵanyn jetkizdi.
«Bul úıler turǵyndarǵa «Nurly Jer» baǵdarlamasy aıasynda daıyndalǵan «Taldyqorǵan qalasynyń 2022-2025 jyldarǵa arnalǵan turǵyn úı qoryn renovasıalaý baǵdarlamasy» sheńberinde beriledi. Iaǵnı bul baǵdarlama apatty turǵyn úılerdi súrip, odan azamattardy kóshirýdi qarastyrady», – dedi Taldyqorǵan qalasynyń ákimi Áset Masabaev.